回想當日生ＢＢ時..

話說個日睇醫生.醫生話"你血壓咁高.而且ＢＢ都足月羅.我寫紙比你馬上入院啦".......

睇完醫生.于是仲係旺角食埋晏先翻屋企.我地去左食我最鐘意食既車仔面,

翻到屋企首先沖左個靚涼.跟住先執"走佬袋"准備入院.

入到醫院辦好曬入院手續下午3點幾.4點鐘左右姑娘開始幫我塞藥催生.

姑娘仲話由e+開始不准食野.嚇..........吾准食野.吾食也邊有力生呀.早知就吾食面去食飯啦.

唉....咁都無計啦..到左6點幾.都吾覺有反應喔.但係巳經開始肚餓啦.咁點算呀.肚又餓.又吾知幾時先生得....

于是就叫老公去食飯先.我就只好忍餓等生羅....真係可憐........

不過老公都怕佢去食飯時我就生得.所以喇喇聲去食飯,吾到半個鐘就翻來啦.

差吾多八點鐘個肚開始有少少痛.于是被安排到待產室等.過左一陣見到我既主診醫生巡房.醫生幫我檢查.子宮先開得3度.醫生同我講"我e+先幫你穿羊水.再等一陣睇下點啦..........."

等呀等.......................到左9點幾個肚開始一陣陣咁痛.姑娘開始每格一陣又來檢查我子宮開左幾度.問我使吾使打止痛針..我話吾使.因為仲吾係十分痛.

我覺得檢查子宮開幾多先最痛最辛苦.........

十點幾陣痛越來頻密同激烈.真係好痛.痛到亞媽都吾認得果只.....終于忍吾住要姑娘同我打止痛針.打完針好似無咩止痛效果咁.依然係好痛.仲有Ｄ急大便既感覺.......

十一點鐘我被推左入產房.姑娘教我點樣用力去將ＢＢ推出來.我既主診醫生都到達產房.淮備同我接生.醫生及助產士不斷教我如何用力.

老公都係旁邊鼓勵我同幫我沫汗.期間醫生曾用真空吸管幫肋ＢＢ出世.最后11點49分ＢＢ終于順利出世啦.姑娘幫ＢＢ清理.磅重.ＢＢ出世體重2.75kg,

跟住姑娘把ＢＢ交比我抱,當見到ＢＢ個一刻.真係咩痛苦都吾記得lu.

之后醫生幫我清理胎盤.為傷口縫針.搞完都已經12點幾.到翻另一個房休息.生完極度疲累................

但係個晚我係完全無訓過咖.吾知係埋肚餓訓吾著.但仲係未食得野住.而且都半夜羅仲邊有野食喔.要等天光老公先羅野比我食.

到左早上6點幾姑娘問有無人要叫早餐呀.更係有啦.我巳經餓左十幾個鐘啦.第一時間叫左個三文冶來補充下體力先...

需然要忍痛捱餓.但係生產過程都好順利.多謝上天安排.比我一個健康.活潑既ＢＢ.......